शैक्षिक गुणस्तर सुधारमा नमुना अभ्यासमा अघि बढ्दै कमल गाउँपालिका
झापा ।
झापाको कमल गाउँपालिकाले सामुदायिक बिद्यालयहरुको शैक्षिक गुणस्तर सुधारमा नमुना अभ्यासलाई अगाडी बढाएको छ ।बिद्यालय तहको शिक्षालाई संविधानलेनै स्थानीय सरकार अन्तर्गत रहने व्यवस्था गरेकाले पनि शिक्षालाई उच्च प्राथमिकतामा राखेर सामुदायिक बिद्यालयका शैक्षिक गुणस्तरमा सुधारका प्रयासहरु अघि बढाएको गाउँपालिकाले जनाएको छ ।
कूल २१ वटा सामुदायिक बिद्यालय रहेको कमल गाउँपालिका अन्तर्गतका सबै सामुदायिक बिद्यालयहरुको शैक्षिक गुणस्तरको समान बिकास गर्ने गरि बिद्यालय सुधारका कार्यक्रमहरु ल्याइएको गाउँपालिका अध्यक्ष हुकुमसिंह राईको भनाई छ ।
अध्यक्ष राईका अनुसार पालिका भित्रका सबै सामुदायिक बिद्यालयहरुमा सीसि क्यामेरा जडान गर्ने लक्ष्य राखिएको छ ।
पछिल्लो समय सामुदायिक बिद्यालय र आसपासका क्षेत्रमा भईरहेका चोरी, लुटपाट तथा अनैतिक, अवाञ्छित गतिबिधिहरुको निगरानी गर्न र आपराधिक कृयाकलाप नियन्त्रणमा सघाउनका लागि पनि सीसि क्यामेरा जडानलाई प्राथमिकता दिइएको अध्यक्ष राईको भनाई छ ।
सामुदायिक बिद्यालयको शैक्षिक गुणस्तर सुधारको मुख्य प्रतिबद्धतासहित आफू अघि बढेको बताउँदै अध्यक्ष राईले एक साता भित्रै यहाँ निर्धारित बिद्यालयहरुमा सीसि क्यामेरा जडान गरिने बताए । जडानको काम धमाधम भइरहेको छ, प्राविधिक बिषय भएकाले कतै बाँकी रहेको भए त्यो पूरा हुने अध्यक्ष राईले उल्लेख गरे ।
यस्तै शिक्षा शाखा प्रमुख सूर्यप्रसाद न्यौपानेले शैक्षिक सत्र २०८१ को प्रारम्भसँगै यसअघि जडान नभएका माध्यमिक तहका सबै र आधारभुत तहको एउटा बिद्यालयमा सीसी क्यामेरा जडान गर्न शुरु गरिएको बताए ।
![pathibharafm](https://pathibharafm.org/uploads/news/images/medium/1521649158pakrau.jpeg)
दमकको गौ हत्यामा संलग्न एक पक्राउ
झापा । झापाको दमकमा भएको गौ हत्यामा संलग्न एकजना पक्राउ परेका छन् । हाल दमक ५ मा बस्दै आएका बेलडाँगी शरणार्थी शिविरका प्रेम विष्ट पक्राउ परेका
![pathibharafm](https://pathibharafm.org/uploads/news/images/medium/812420418Dengue.jpeg)
झापामा डेंगु संक्रमणबाट ८ वर्षीय बालकको मृत्यु
२२ भदौ,झापा ।झापा बिर्तामोडमा डेंगु संक्रमणबाट ८ वर्षीय बालकको मृत्यु भएको छ । बिर्तामोड – ४ का ८ वर्षीय आलोकजंग बस्नेतको डेंगु संक्रमणबाट मृत्यु
![pathibharafm](https://pathibharafm.org/uploads/news/images/medium/95165411HaldiBari.jpeg)
हल्दीवारीका विद्यालयमा प्रहरीको पुस्तक पढाई हुने
झापा ।झापाको हल्दीवारीका विद्यालयहरुमा प्रहरीको पुस्तक अनिवार्य रुपमा पठनपाठन गराइने भएको छ । समुदाय–प्रहरी साझेदारीअन्तर्गत नेपाल प्रहरी
प्रतिकृया दिनुहोस