०९कार्तिक दमक ।झापा दमक–९ का देशु भनिने यामु निरौलाको हत्यामा संलग्नलाई कारबाही गर्न प्रहरीलाई दबाब दिईएको छ । 
घटनाका सम्बन्धमा तत्काल अनुसन्धान अघि बढाएर हत्यामा संलग्नहरुलाई कारवाही गर्न स्थानीय राजनीतिक दलका नेतृत्वहरुले प्रहरी प्रशासनको ध्यानाकर्षण गराएका छन् ।
अलग –अलग प्रेस विज्ञप्ति निकालेर सत्तारुढ दल नेपाली कांग्रेस र नेकपा एमालेसहित प्रमुख प्रतिपक्षी दल नेकपा माओवादी केन्द्र र राष्ट्रिय प्रजातन्त्र पार्टीका नगर नेतृत्वले घटनामा संलग्न दोषीहरुमाथि सुक्ष्म अनुसन्धान गरेर तत्काल कारवाहीको दायरामा ल्याउन स्थानीय प्रहरी प्रशासनको ध्यानाकर्षण गराएका हुन् । नेपाली कांग्रेस दमक नगर सभापति प्रकाश प्रसाईद्वारा हस्ताक्षरित विज्ञप्तिमा बाँच्न पाउने नागरिकको अधिकारको सुरक्षा गर्न माग गरिएको छ । त्यसैगरी नेकपा एमालेका दमक नगर कमिटी अध्यक्ष राम पौडेलले जारी गरेको प्रेस विज्ञप्तिमा व्यक्ति हत्या सर्वत्र निन्दनीय भएको उल्लेख गरेका छन् ।त्यसैगरी नेकपा माओवादी केन्द्र दमक नगर कमिटीका तर्फबाट इञ्चार्ज बेदु गौतम र अध्यक्ष कुलबहादुर बस्नेतले जारी गरेको विज्ञप्तिमा नगर क्षेत्रको व्यस्त स्थानमा नागरिकको हत्या हुनुले शान्ति सुरक्षाको दुरावस्था छर्लङग भएको उल्लेख गरेका छन् ।
त्यसैगरी राष्ट्रिय प्रजातन्त्र पार्टी दमक नगर कमिटीका तर्फबाट अध्यक्ष हेम सुवेदीले विज्ञप्ति जारी गरेका छन् । विज्ञप्तिमा घटनाको अबिलम्ब निष्पक्ष रुपले सत्य तथ्य छानबिन गरी पक्राउ गर्न र कानुनी कारवाहीको दायरामा ल्याउन माग गरिएको छ ।
हत्यामा संलग्नलाई प्रहरीले हालसम्म पक्राउ नगरेको र प्रहरीले पीडितको तर्फबाट पुरक जाहेरी लिन नमानेको भन्दै हिजो पनि मृतकका आफन्त र स्थानीयहरु भेला भई इलाका प्रहरी कार्यालय दमकको गेट अगाडि घेराउ गरेका थिए । मृतक निरौलाका दाजु नवराज निरौलाले गरेको पत्रकार सम्मेलनमा आफ्ना भाइलाई नियोजित रूपमा बोलाएर हत्या गरेको, सीसी टिभी फुटेजमो प्रष्ट देखिएपनि प्रहरीले हत्यारालाई पक्राउ गर्न तत्परता नदेखाएको, प्रहरीले जाहेरी लिन प्रहरीले आनाकानी गरेको भन्दै हत्यामा संलग्न व्यक्तिहरूलाई कानुनको दायरामा नल्याएसम्म शव नबुझ्ने बताएका छन् ।गत मंगलबार दमक– ३ स्थित मावा पुलनजिकै दुई समूहबीच विवाद हुँदा कुटपिट र ढुंगा प्रहारबाट निरौलाको मृत्यु भएको थियो । घटना भएको तीन दिन बितिसक्दा पनि प्रहरीले कुटपिटमा संलग्नहरुलाई पक्राउ गर्न सकेको छैन ।
निरौला परिवार , आफन्त र शुभचिन्तकहरु हत्यामा संलग्नहरुलाई पक्राउ गर्न तत्परता नदेखाएको भन्दै दुई दिनदेखि निरन्तर प्रहरी कार्यालयमा दबाब र प्रदर्शनमा उत्रिरहेका छन् ।
 

टिप्परको ठक्करबाट मोटरसाईकलमा सवार दुई जनाको मृत्यु

०१ मंसिर झापा ।पूर्व–पश्चिम राजमार्गअन्तर्गत मोरङको पथरीशनिश्चरे नगरपालिका–२ सुनझोडा पुलमा टिपरको ठक्करबाट शनिबार दिउँसो दुई जनाको मृत्यु

आज हरिबोधिनी एकादशी,घरघरमा तुलसीको विवाह गरी मनाईदै

२७ कार्तिक,झापा ।आज हरिबोधिनी एकादशी मनाइँदैछ । असार शुक्ल एकादशी अर्थात हरिशयनी एकादशीदेखि कात्तिक शुक्ल एकादशी अर्थात् हरिबोधिनी एकादशीका

किरात महागुरु फाल्गुनन्दको १४० औँ जन्मजयन्ती मनाईदै

२५ कार्तिक,झापा ।किरात धर्मावलम्बीका महागुरु फाल्गुनन्दको १४०औँ जन्मजयन्ती आइतबार विविध कार्यक्रम गरी मनाइँदैछ। किरात, भाषा, लिपि, संस्कार,