दर्शकको मायाले मख्ख 'एञ्जिला'

सुमन धमला
आइतबार चैत १६, २०८१ १९:३३:००

१७ चैत्र दमक /नेपाली महिला फूटबल टोलिकी कप्तान ताथ गोलकिपर एञ्जिला तुम्बापो लिम्बुको जीबन संघर्षमा बनेको बायोपिक चलचित्र अञ्जिला अहिले देशभर प्रर्दशन भईरहेको छ ।
गत फागुन १९ गते फागू पूर्णिमाको दिनबाट प्रर्दशनमा आएको चलचित्र अहिले तेस्रो हप्तामा पनि उच्च शो हरुका साथ हलहरुमा लागिरहेको छ ।दर्शकहरुको राम्रो प्रतिक्रिय पाईरहेको छ ।
यसै क्रममा चलचित्रको मुख्य कलाकार एञ्जिला सहितको निर्माण टिम यतिबेला दर्शकहरुको प्रतिक्रिय र भेटघाटमा यात्रामा निस्किएको छ ।यसै क्रममा चलचित्रटिम सुनसरीको धरान हुदै झापाको दमक स्थित डिम्यक्स सिनेमा हलमा दर्शक तथा पत्रकार भेटघाट गरेको छ ।उक्त भेटघाटका क्रममा लिम्बु समुदायको बाक्लो उपश्थितीमा चलचित्रकी मुख्य नायिका एञ्जिला लगायतको टोलीलाई बिशेष सम्मान गरिएको थियो ।
सो लगत्तै आयोजित पत्रकार सम्मेलनमा एञ्जिलाले आफ्नै जीवन संघर्षको कथामा बनेको चलचित्रलाई माया र सम्मान गर्ने सबै दर्शकप्रति आभार व्यक्त गरिन्। निर्माता प्रेमकुमार श्रेष्ठ र निर्देशक मिलन चाम्सले दर्शकबाट प्राप्त प्रतिक्रियाले आफूहरू उत्साहित भएको बताए।
चलचित्र ‘अञ्जिला’ मा एञ्जिला तुम्बापो लिम्बुको बाल्यकाल, उनले व्यहोरेका संघर्ष र पाएको सफलतालाई देखाइएको छ। महिला फुटबलमा उनको योगदान र कठिन परिस्थितिबाट गुज्रँदै राष्ट्रिय स्तरको खेलाडी बन्ने यात्रालाई चलचित्रमा प्रस्तुत गरिएको छ।चलचित्रले महिला खेलाडीको संघर्ष, समाजमा खेलकुदको स्थान र परिवारिक समर्थनको महत्व उजागर गर्ने लक्ष्य लिएको छ ।यसको साथसाथै चलचित्रको निर्माण पक्षले चलचित्रको मुनाफाको रकमले कप्तान एञ्जिला लिम्बुकोघर निर्माण गर्ने घोषणा गरिसकेको छ ।
चलचित्रमा एञ्जिला तुम्बापो लिम्बुसँगै दयाहाङ राई, बुद्धि तामाङ, श्रुजना सुब्बा, माआत्से गुरुङ, सुनिल थापा लगायतका कलाकारको अभिनय रहेको छ ।चलचित्र ‘अञ्जिला’ हाल विभिन्न सिनेमा हलहरूमा प्रदर्शन भइरहेको छ, र दर्शकहरूको उल्लेखनीय साथ पाइरहेको छ । नेपाली बक्स अफिसमा समेत यसले राम्रो ब्यापार गरिरहेको निर्माण पक्षको दाबी छ ।

तपाईंले यो चलचित्र हेर्नुभएको छ? तपाईंको प्रतिक्रिया कस्तो छ?