२२ असार झापा ।झापामा हात्ती नियन्त्रणका लागि हात्ती आगमन सूचना प्रविधि केन्द्र सञ्चालनमा आएको छ ।
जिल्लाको मेचीनगर—४ बाहुनडाँगीमा शुक्रबार प्रतिनिधिसभाका सभामुख देवराज घिमिरेले उतm केन्द्रको उद्घाटन गरेका छन् । 
मेचीनगर नगरपालिकाले आयोजना गरेको कार्यक्रममा सभामुख घिमिरेले ‘लुना जीपीएस एप’को शुरुवात गरि उद्ध्घाटन गरेका थिए ।  
यस एपमार्फत हात्ती आएको सङ्केत कसैले गरेमा साइरन बज्नेछ र सर्वसाधारणले हात्ती आएको खवर पाउने छन् ।
उज्यालो नेपाल बर्दिया र समाजका लागि युवाको सहकार्य धनगढी नामक संस्थाले करिब ८ लाख रुपैयाँको लगानीमा यो प्रविधि सञ्चालनमा ल्याएको मेचीनगर वडा नम्बर–४ का वडाध्यक्ष अर्जुनकुमार कार्कीले जानकारी दिए ।
उद्घाटनपछि प्रमुख अतिथि सभामुख घिमिरेले हात्तीको आतङ्कका कारण हरेक वर्ष मानिसको मृत्युसँगै हजारौँ घरपरिवार विस्थापित हुने गरेको बताए । 
पछिल्लो समय विज्ञान र प्रविधिको विकाससँगै मानिस व्यावहारिक रूपमै आफूलाई अनुकूल र सहज हुने ठाउँमा पुगेका कारण हात्ती आगमन सूचना प्रविधि केन्द्रले न्यूनीकरण गर्ने उनले विश्वास व्यक्त गरे । बाहुनडाँगी भारतबाट नेपालमा हात्ती प्रवेश गर्ने मुख्य गौडा हो । जहाँ दैनिकजसो दर्जनौँको सङ्ख्यामा हात्तीहरू नेपाल प्रवेश गर्छन् ।
 

झापामा बसको ठक्करबाट मोटरसाईकल चालकको मृत्यु

झापा ।झापाको कमल गाउँपालिका –५ पाडाजुंगीस्थित सडकखण्डमा आज दिउँसो यात्रुवहाक बसको ठक्करबाट मोटरसाईकल चालकको ज्यान गएको छ ।दुर्घटनामा मोरङ

दमकमा हाउजी खेलका लागि अनुमति नदिईने

झापा ।झापाको दमक नगरपालिकाले यस वर्ष मेला महोत्सव गर्नका लागि सिफारिस नदिने भएको छ । हाउजी, मिनि मेला, महोत्सव गर्नका लागि सिफारिस नदिने निर्णय गरेको

ईलामको नाम्सालिङ सडक खण्ड मेची राजमार्गको बैकल्पिक मार्ग बन्दै

१९ असोज, ईलाम ।गत साताको पहिरोमा परेर मेची राजमार्गको मूख्य सडकखण्ड बन्द भएर यतायत अकरुद्ध हुदा यसको बैकल्पिक मार्गका रुपमा ईलाम तिल्केनी नाम्सालिङ्