‘भ्युटावर विकासको मोडल’ मा परिवर्तन जरुरी -पूर्वअर्थमन्त्री पुन

पाथीभरा डेस्क
शनिबार फाल्गुण १०, २०८१ १८:४६:००

^{दमक,फागुन १०}

^{प्रमुख प्रतिपक्षी माओवादी उपमहासचिव एवं पूर्वअर्थमन्त्री वर्षमान पुनले मुलुकमा ‘भ्युटावर विकासको मोडल’ मा परिवर्तन जरुरी रहेको बताएका छन् ।

झापामा शनिबार बिहान आयोजित पार्टीको कार्यक्रममा पुनले प्रधानमन्त्री केपी शर्मा ओलीको ‘भ्युटावर’ विकास मोडल अनुत्पादक भएको बताए ।

शिक्षा, स्वास्थ्य, रोजगारी र घरबार बिहीनलाई सुरक्षित आवासको सुनिश्चितता गर्नुपर्नेमा संघीय सरकारदेखि वडातहसम्म विकास भनेकै भ्युटावर हो भन्ने स्थापित गर्न खोजिएको पुनको भनाइ थियो ।

प्रधानमन्त्री ओलीको निर्वाचन क्षेत्र झापा ५ मा मात्र चार हजार बढी सुकुम्बासी रहेको दाबी गर्दै पुनले भ्युटावरभन्दा पहिला ती जनतालाई सुरक्षित बास, खाना र रोजगारीको व्यवस्था गर्नुपर्ने कुरा नसोचिएको बताए ।}