• ON AIRनेपाली फिल्मी गीत
  • UP NEXTनेपाल खबर

आगामी आर्थिक बर्षको बजेट यथार्थपरकः अर्थमन्त्री

pathibharafm


अर्थन्त्री वर्षमान पुनले आगामी आर्थिक बर्षको बजेट यथार्थ धरातलमा टेकेर आएको दाबी गरेका छन् ।

बुधबार प्रतिनिधिसभा बैठकमा बजेटमाथिको छलफलका उठेका बिषयमा जवाफ दिँदै अर्थमन्त्री पुनले पूर्वाग्रह नराखी हेर्दा बजेट यथार्थ धरातलमा टेकेर आएको दाबी गरे।
उत्पादन र रोजगारीका अवसर सिर्जना गर्दै देशको अर्थतन्त्रलाई सबल र उत्थानशील बनाउने उद्देश्यको कार्यदिशा स्पष्ट गरी आगामी आर्थिक वर्षलाई आर्थिक सुधारको वर्ष घोषणा गरिएको उनले बताए ।
पुनले अर्थतन्त्र चलायमान हुँदै गएको, निजी क्षेत्रको मनोबल बढ्दै गएकोले वित्तीय क्षेत्रबाट लगानीयोग्य पुँजी थप परिचालन हुने, भर्खरै सम्पन्न लगानी सम्मेलनमा व्यक्त भएका प्रतिबद्धता बमोजिम थप वैदेशिक लगानी परिचालन हुने बताए ।

बैंकिङ प्रणालीमा लगानीयोग्य रकमको वृद्धि तथा बाह्य क्षेत्र सुदृढ रहेको अवस्थाले सहज वातावरण बनेकाले बजेटमा प्रस्तावित नीति तथा कार्यक्रमको प्रभावकारी कार्यान्वयनबाट ६ प्रतिशतको आर्थिक वृद्धि हासिल हुने उनले विश्वास देखाए ।
अर्थमन्त्री पुनले आगामी आर्थिक बर्षका लागि राष्ट्रिय गौरवका आयोजना, प्राथमिकता प्राप्त आयोजना तथा स्रोत सुनिश्चत गरिएका आयोजनामा स्रोतको कमी हुन नदिने प्रतिबद्धता जनाए ।
सरकारले गर्ने लगानी, प्रत्यक्ष वैदेशिक लगानीमा हुने थप वृद्धि र निजी क्षेत्रले परिचालन गर्ने लगानीको कारण थप रोजगारीका अवसर सिर्जना भई विदेश पलायन हुने युवालाई स्वदेशमै रोजगारी गर्ने गरी वातावरण निर्माण हुने अपेक्षा बजेटले लिएको उनले बताए ।

आगामी आर्थिक वर्ष राजस्व परिचालन एवम् अनुमानलाई अझ बढी यथार्थपरक बनाउने प्रयासस्वरूप राजस्व अनुमान चालु आर्थिक वर्षभन्दा न्यून गरिएको जानकारी पुनले दिए । कर प्रणाली सुधारसम्बन्धी उच्चस्तरीय सुझाव समितिको प्रतिवेदन क्रमशः कार्यान्वयन गरिने पनि उनले संसद्लाई जानकारी दिए ।

प्रतिकृया दिनुहोस
pathibharafm

कोशी प्रदेश सरकारको नीति तथा कार्यक्रम सार्वजनिक (पूर्णपाठ)

झापा । कोशी प्रदेश सरकारले आगामी आर्थिक वर्षका लागि आफ्नो नीति तथा कार्यक्रम सार्वजनिक गरेको छ । सोमबार बसेको प्रदेशसभा बैठकमा प्रदेश प्रमुख

pathibharafm

पेट्रोलियम पदार्थको मूल्य घट्यो, हवाई इन्धन र एलपी ग्यासको मूल्य भने यथावत

काठमाडौं । नेपाल आयल निगमले पेट्रोल, डिजेल र मट्टितेलको मूल्य घटाएको छ । आज राति १२ बजेदेखि लागू हुनेगरी निगमले पेट्रोलमा प्रतिलिटर ३ रुपैयाँ, डिजेल

pathibharafm

झापामा सुपारी प्रशोधनका लागि ४० लाख अनुदान,लाभग्राहीबाट २५ प्रतिशत उठाईने 

झापा । झापामा सुपारी प्रशोधनका लागि ४० लाख अनुदान दिइएको छ । कृषि ज्ञान केन्द्रले जिल्लाका सात वटा सुपारी उद्योगलाई सुपारी छोडाउने मेसिन र टहरा