झापा कारकागारमा एक कैदीको मृत्यु

पाथीभरा डेस्क
मंगलबार बैशाख ९, २०८२ ०७:३७:००

९ बैसाख,झापा ।

झापा कारागारमा ज्यान सम्बन्धी मुद्दामा कैद भुक्तान गरिरहेका ५९ वर्षीय धनबहादुर विश्वकर्माको उपचारका क्रममा मृत्यु भएको छ ।
इलाम माङ्सेबुङ गाउँपालिका–४ का स्थायी बासिन्दा विश्वकर्मालाई घाँटीको क्यान्सरको लक्षण देखिएको थियो।
सोमबार अपराह्न उनलाई अचानक श्वासप्रश्वासमा समस्या देखिएपछि तत्काल प्रादेशिक अस्पताल भद्रपुर लगिएको थियो । तर उपचारकै क्रममा उनको मृत्यु भएको कारागार प्रशासनले जनाएको छ ।मृतकका आफन्तहरूलाई घटनाबारे सूचित गरिएको छ भने घटनाबारे थप अनुसन्धान तथा कानुनी प्रक्रिया अगाडि बढाइएको कारागार प्रशासनले जनाएको छ।